61 ika timatamij in amaix Maj moteixmatiltikan, mopoujkaitakan uan maj kimatampauikan in tanauatilmej teyin tech paleuia tisejsejmej yejuan in moaxkatiaj in tekiuanij itech toueyi altepeuj, Uan amo neli kinejnemiltiaj ika chipaujkayot kemej moijtoua ta kisentokaj chiujtiuitse kemej uejkauj tekitia in oksekimej tekiuanij. In tajtol tanemilil estado de derecho teyin semi no moaxkatijkej yaj in tekiuanij monemili kemeskia se kalnechikol teyin kimajpeuas nochi in neijtakolis teyin mochiujtiuits, axkan in ueyi altepet Mexico, sayoj ika in tekiuanij moixkualketsa saj ika inixpan ne anal kalnechikolmej ika melauj kuali kitekitiltijtokej in tanauatilmej. Moita ika tekiuanij kichiuaj tekin kemej ueli saj uan ixnesi itech in omen Kuemolmej teyin kipiakej in maseualmej teyin kayomej ne xolal Atla, uan San Martin Ixtepec ika tekiuanij teyin kimelaujkej in kuemolmej amo chipaujkatekitikej Yejika moijtoua ika amo kiyejtekitiltiaj in tanauatilmej. Itech in kuejmoj teyin Kin mamaltijkej in tomaseual ikniuan, maj tikijtokan sayoj kintapantijkej uan kinijtakojkej amo sayoj yejuan ta no iminxolaluan ta kemeskia ika kinimoujkalakia uan ijkon maj amo akin tajtanij teisaj tapaleuil osoj maj amo akin tapaleui ok ika maj kualtsin moajokui in xolal. Yejika kintajtania in ajkopaka tekiuanimej ika maj okachi kuali tekitikan uan maj no ijkon kinnauatikan oksekimej tataman tekiuanimej ika maj kiyek tekitiltikan tanauatilmej teyin ixnesi itech in amaix constitucion uan ijkon kipiaskej kuali panolis uan yekyetolis in tokniaun. Maj kipatakan keniuj tekititiuitse uan maj kimelauakan kuali kuejmolmej ta ijkon kuali se kijtos ika neli motekitiltijtokej in tanauatilmej uan neli tematampauiaj, uan maj amo kisentokakan kinmpechikan in tokniuan. Maj neli kipoujkaitakan nochimej in tanautilmej teyin Tapaleuiaj uan maj kinenejmiltikan nochi in anal tanauatilmej nikan toeuyi altepeuj Uan no itech xolal konemej, amo sayoj maj moijto, kemej ipa chiujtiuits, Maj okachi tapaleuikan in tanauatilmej uan amo maj tapechikan osoj taijtakokan. José Ramón y Pascual, Fotografía: Archivo Centro prodh
RkJQdWJsaXNoZXIy MTY4MjU3